Sáve ja Jone Sámis lea mánáidgárdde ahkohaččaide ráhkaduvvon digitála resursa, mas leat iešguđetlágán hárjehusat ja spealut máŋgga dásis. Digitála resursa vuođđun leat jagiáiggit daidda gullevaš doaimmat mat leat stuorra oassin sámi kulturárbbis. Digtála resurssa ulbmil lea mánáide oahpahit árbevirolaš bargguid gielalaččat ja seammás diktit mánáid vásihit árbevirolaš bargguid, erenoamážit mánáide geain eai leat vejolašvuođat vuolgit lundui.

Sáve ja Jone Sámis digitála resursa guoskkaha relevánta fáttáid mat leat mánáidgárdejagis ja lea ráhkaduvvon mánáidgárderámmaplána mielde. Digitála resursa addá mánáide vejolašvuođa suokkardit, reflekteret ja digitálaččat hábmet. Sisdoallu galgá boktalit mánáid sáhkkiivuođa, humora ja addit mánáide vejolašvuođa reflekteret fáttáid birra maid rámmaplána deattuha.

Álgosiiddus válljet jagiáiggi, mas leat hárjehusat gullevaš jagiáigái. Lassin leat jagiáiggiid siidduin gurut bealde boalut maidda leat čohkkejuvvon hoahkamat, lávlagat, diiddat, dálkemearkkat jna. Go áigu ruovttoluotta álgosiidui, de deaddila lávu vuolleravddas.Vuolleravddas leat njuolat maid bokte johtá ovddos dahje maŋos. Badjeravddas lea boallu mánáidgárdebargiide mas leat rávvagat digitála resursii.

Gáibiduvvo liseansa geavahit oahpponeavvu. Liseansa lea 1 mánáidegárdejahkkái.

Okta liseansahaddi vástida ovtta geavaheaddji. Diŋgo rievttes logu geavaheaddjiid (mánáid ja ollesolbmuid) várás.

Maŋŋil máksima sáddejuvvo(jit) oahpponeavvo­čoavdda/-čoavdagat e-poastta bokte.

Oastte liseanssa(id) oahpponeavvui.

Dieđut